باقى الحوار الى على الهواء

[center][b]عمرو أديب: سيادة المستشار إحنا عايزين نعرف إيه إللي حصل النهاردة؟
نيرفانا إدريس: يعني ده ثأر بايت؟!
مرتضي منصور: اديني فرصة.. كان نادي الزمالك فيه بلطجية بيضربوا الأعضاء بالسنج والمطاوي وبعلم مجلس الإدارة.. وكان فيه ناس بتأخذ 15 ألف جنيه شهريا وقاعدين في الشمس وما بيعملوش أي حاجة.. وناس ثانية كانت بتيجي أول كل شهر تقبض وتمشي.. فأنا دخلت بعون الله وخفضت المرتبات وخليتها ما بين 600 إلي ألف جنيه وخفضت المديونية وسددت 11 مليون جنيه ديونا لصالح الضرائب والتأمينات وغيرها واشتريت لعيبة بحوالي 10 ملايين جنيه.. وفوق كل هذا عندي فائض 5،1 مليون جنيه مرمية بالخزانة.. وبعد كده فوجئت بالأخ إسماعيل سليم بيشتمني.. فأخذنا قرار بمجلس الإدارة والمجلس مجتمع دلوقتي وأنا بأكلمك وهايكلموك واتخذنا قرار بفسخ التعاقد مع وكالة الأهرام للإعلان لأنها ما بتدفعش وجاءتني مساءلة من الجهاز المركزي للمحاسبات إزاي الوكالة تدفع للنادي الأهلي 21 مليون جنيه والزمالك 3 ملايين بس.. وبعد كده الأخ حسن مصطفي أصدر قرار بمنع دخول رئيس نادي الزمالك مباريات فريق كرة اليد ورفعنا قضية..
وبعدين كنت عامل حفلة جميلة صغيرة في النادي ولقيت الأخ إسماعيل سليم بيتهجم علي..
تقاطعه المذيعة وتسأله: إزاي حصل التهجم.. هل زي ما الجرائد قالت؟!.. ويجيبها زميلها في تقديم البرنامج عمرو أديب بقوله: ده لسه.. دي الحفلة إللي فاتت!
مرتضي منصور: أنا رجل كلامي واضح.. أنا فوجئت بحب الناس لي.. وكمان الأطفال والشباب الصغير.. لقيت الأخ إسماعيل سليم داخل علي وبيتهجم علي ومعاه مجموعة من البلطجية وإخواته برضه.. والكلام ده كان في 28 مايو إللي فات تقريبا.. فإحنا عملنا اجتماع لمجلس الإدارة.. وهذا المجلس اجتمع يوم 1 يونيو الماضي وحضره جميع أعضاء المجلس ما عدا إسماعيل سليم محمد الذي تقرر تجميد عضويته طبقا للائحة..
المذيعة: وهل هذا أمر شرعي.. ولا لازم الرجوع لوزير الشباب؟
مرتضي منصور 'وبانفعال شديد': إسماعيل سليم نشر بيانات في الصحف وكذب فيه قرار مجلس الإدارة بمقاطعة الأهرام.. كما حاول الاعتداء علي رئيس النادي.. وتم إيقاف عضويته وإصدار بيان يرد فيه المجلس علي كل ما قاله السيد إسماعيل في حق النادي.. والمادة 60 من اللائحة تسمح بذلك.. وبعثت القرار إلي وزارة الشباب.. وخلاص كل شيء عادي..
المذيع: طبقا لوزارة الشباب مش من حق مجلس الإدارة تجميد عضوية حد داخل مجلس الإدارة إلا بقرار وزارة الشباب!
مرتضي منصور: أكمل كلامي بعد إذنك.. هذا المحضر لسه ماراحش لوزارة الشباب..
المذيع: طب كده حضرتك كده ما تقدرش تمنعه إلا لما الوزير يصدق علي القرار؟!
مرتضي منصور: أكمل كلامي يا بيه.. أنا أقدر أمنعه لأنه عندي عضو عامل.. وأنا لما كنت عضو مجلس الإدارة في عام 1997 وهو اجتمع ومنعني وشطبني بقرار من مجلس الإدارة.. وأخذ بالك!
اللائحة تسمح بذلك!
المذيع: طب يا فندم.. حضرتك ما خدتش قرار من الوزارة؟!
مرتضي منصور: يا أستاذي الفاضل أنا بأخذ القرار.. وبأقول يعرض علي وزير الشباب..
المذيع: ولم تتخذ اللازم؟!
مرتضي منصور: أنا ما خلصتش كلامي.. إسمعني.. أنا عملت نادي جديد.. وشغلنا حمام سباحة وسددنا 12 مليون وبنعمل فريق جديد قوي.. وكمان كل يوم شتيمة في الجرائد.. أنا تعمدت أروح لوزير الشباب بعد تعيينه وباركت له وبأقول وهو سامعني دلوقتي الوزير لما شاف أمر الضبط الخاص بإسماعيل سليم وحبسه 15 يوما..
أنا يا أستاذ عمرو جالي شيك هدية بحوالي 2 مليون جنيه واتبرعت بيهم لنادي الزمالك.. وباقعد 24 ساعة في النادي علشان أرجع النادي زي زمان!
المذيعة: حضرتك ضربت الدكتور؟
مرتضي منصور: أكمل كلامي.. وفوجئت في المحكمة الإدارية العليا وقت نظر قضية النادي ضد حسن مصطفي.. ببلطجية إسماعيل سليم ودول متسجلين ومتصورين علي شريط فيديو وها أبعت لك الشرائط وهو عارفهم.. فأنا طلبت السيد مدير مديرية أمن الجيزة وقلت له إن فيه بلطجية ومعاهم سلاح في المحكمة.. ورغم كده كسبنا القضية..
والنهاردة وصلني إن إسماعيل سليم بيحشد ضدي بلطجية وهايقتحم النادي.. ولو أنا ها أضرب إسماعيل سليم كنت ها أكلم مساعد أول وزير الداخلية الصبح بدري.. ولما جاءت لي المكالمة وتهديدي بالقتل كلمت اللواء أحمد ضياء..
المذيع: يا فندم هو هددك بالقتل؟!
مرتضي منصور: نعم.. أيوه. أكمل كلامي..
المذيع: طب قول لي إيه إللي حصل.. يعني هو هددك بالقتل؟!
مرتضي منصور: أنا جالي تهديد.. أنا كمرتضي..
المذيع: من الذي هددك؟
مرتضي منصور: إيه.. واحد كلمني وهددني!
المذيع: واحد بيهددك!
مرتضي منصور: ثانية واحدة.. أكمل كلامي.. أنا بعد كده كلمت السيد مدير مباحث أمن الدولة هشام أبوغيدة الساعة ..12 والكلام ده ثابت ومسجل.. أقوم أنا جايب بلطجية وسنج واخد لي بالك وأنا عارف أن الشرطة جاية.. أنا قاعد الساعة 3 في غرفة سكرتير النادي بأمضي عقد لاعب.. وعلي فكرة..
المذيع: هي الشرطة ما حمتش ليه؟!
مرتضي منصور 'بإنفاعل' إسأل اللواء محمد إبراهيم مدير أمن الجيزة.. ولا تسألني أنا!..
المذيع 'يضحك' : طبعا.. يمكن حضترك مكلمتهمش؟!
مرتضي منصور: ده سؤال مهم.. يا أستاذي الفاضل.. ها أقول لك الأسماء تاني.. اللواء هشام أبو غيدة ... و ....
المذيع: أنا ما بكدبش سياتك.. يعني الشرطة المصرية جالها بلاغ من مستشار وعضو مجلس الشعب ورئيس نادي الزمالك.. وما حدش جه؟!
مرتضي منصور: يا أستاذ عمرو.. علي مسئوليتي كلمت مساعد وزير الداخلية اللواء أحمد ضياء.. وأنا بأقول أسماء.. والسيد اللواء هشام أبو غيدة مدير مباحث أمن الدولة.. وخذ المفاجأة دي: كان قاعد معايا الأستاذ إبراهيم رفيع عضو مجلس الشعب ووكيل اللاعب البرتغالي.. وخالد التونسي وكيل اللاعب في مصر والسيد نائب مدير الشئون القانونية وهو قاعد جنبي دلوقتي وفوجئت وأنا بأمضي العقد بصفتي رئيس النادي..
المذيعة: مش في غرفة حضرتك غرفة رئيس النادي..؟!
مرتضي منصور: لا .. مش في غرفة رئيس النادي.. وأنا بأقول ثاني.. وفوجئت بإن الأخ إسماعيل اقتحم النادي ومعاه 50 بلطجي ومنهم ابن أخته الرائد سيد متولي.. واخوته بكري سليم ومصطفي سليم.. والأخ حمدي سعودي إللي مشي من السلة..
المذيع: مين يا أفندم؟!..
مرتضي منصور: ابن أخته رائد شرطة وبلطجية وكان معاهم أنابيب مطافي وسنج وأسلحة.. وحط طبنجته في رقبتي وحاول يضرب طلقة ولولا الأخ حمدي بتاع الشئون القانونية خطف منه الطبنجة قدام الناس..
المذيع: طلع عليك طبنجة قدام الناس؟!
مرتضي منصور: أخذوا منه الطبنجة.. والناس اتكاتلوا عليه وخطفوها منه.. وتعاله صور المكتب.. وكانت معاهم أنابيب المطافي.
المذيعة: طب إيه حكاية الشمسية إللي ضربتو بيها الدكتور إسماعيل..
مرتضي منصور: يا مدام بعد إذن حضرتك ده راجل كذاب.. إسألوا الناس..
المذيع: سيادة المستشار طب ها يجروا ليه من النادي.. إذا كانوا هم الذين بيضربوا؟!
مرتضي منصور بإنفعال شديد : لأن الأعضاء اتلموا.. الأعضاء جاءوا بسرعة.. ده رئيس النادي بيتقتل.. تعالي دولقتي شوفي فيه 15 ألف عضو معايا وبيهتفوا بسقوط إسماعيل.. والمجلس اجتمع وقرر شطب عضوية إسماعيل سليم محمد لانه 'بلطج' وده قرار مجلس الإدارة.. والقانون قدامي.
المذيع: من حقك تشطبه؟!.
مرتضي منصور: أنا بأطبق اللائحة.. وياريت وزير الشباب.. يصدق.. علي فكرة أنا راجل بافتكر ربنا علي طول ولا أنام 24 ساعة لخدمة النادي ومش بلطجي.
المذيع: سيادة المستشار انتم عملتم محضرين.. والمحضرين أكيد فيهم شهود؟!..
مرتضي منصور: الشرطة كانت جت بعد خمس دقائق بالضبط من هروبه.. وشافت وعاينت.. وأنا عايز أقول ليك إن اللي حصل ده مش مهزلة في حقي وإنما في حق نادي الزمالك.. والرجال ده كذاب وبيكذب.. ده راح مستشفي العجوزة وقال ليهم عايز تقرير طبي ولما رفضوا هرب من المستشفي وراح مستشفي خاصة.. واسألوا مدير المستشفي..
المذيع: دلوقتي الدكتور إسماعيل بيقول إنك 'بترهبه' وإنك أعلي من القانون.. وهاتبقي وزير العدل..
مرتضي منصور: يا أستاذ عمر .. ابقي وزير ازاي وأنا محامي.. أنا سعيد إني رئيس أكبر نادي في مصر.. أنا مش فاضي.. الراجل ده بيكذب واشتكاني في كل حتة..
المذيعة: طب مين الشهود إللي شافوا إللي حصل؟.
مرتضي منصور: أعضاء النادي.. ومن سوء حظه كان الناس شايفة كل حاجة.. وأنا أقول ده مش جريمة في حقي.. ده في حق النادي.. والأعضاء رفضوا ما حدث.
المذيعة: استريح يا سيادة المستشار.. ومعانا الدكتور إسماعيل سليم؟..
الدكتور إسماعيل سليم: يا أستاذ عمر إحنا بنتكلم بالعقل والحوار والشرعية.. تمام والأستاذ مرتضي رجع لسنة 1997 وقال إن إسماعيل سليم صدر أمر للقبض عليه لمدة 15 يوم.. وطالما بنتكلم بالحوار والشرعية نسأل المحامي العام والناس إللي كان بيقولوا ده.. لأن ده كل كذب وافتراء..
مرتضي منصور يقاطع الكلام وبإنفعال : يا عمرو.. ها ابعث لك صورة القرار..
إسماعيل سليم: لو حيبعت لكم بلاغ يتهمني فيه بالسرقة سأرسل لكم أوراقا تثبت إعتقاله..
وهنا يصرخ المستشار مرتضي منصور: أنا أشرف منك يا حرامي.. أنا أشرف منك يا بلطجي.. أنا بأدفع من جيبي يا فاسد!.
إسماعيل سليم: احنا الناس الشرفاء الكرماء..
المذيعة: يا جماعة..
مرتضي منصور: من هذا الحرامي..
إسماعيل سليم: بأقول لك إيه.. إنت قلت عام 1997 إنك هاتقطع كارنيه النادي لو ما اتسجنتش.. لا إنت راجل علشان تقطع الكارنيه.. ولا إنت علي مستوي المسئولية..
مرتضي منصور: اسكت يا حرامي.. ما تجبش سيرة سيدك.. أنا أشرف منك.. اوعي تتكلم عن سيدك.. أنا أشرف منك يا فاسد.
الدكتور إسماعيل سليم: احترم المشاهدين يا راجل..
مرتضي منصور: أنا أشرف منك يا حرامي أنا أشرف منك.
الدكتور إسماعيل سليم: ده أنت الفساد كله.
مرتضي منصور: ابعتلي يا عمرو رقم الفاكس.
المذيع: رقم الفاكس 8555153 وظاهر قدامك!
مرتضي منصور: أه يا عمرو.. كنت ها أموت.. فين مدير الشئون القانونية يحكيلك.
إسماعيل سليم: حلوة.. ده راجل زي السكر.. وبيتخيل ويقول حاجات.
مرتضي منصور: اسمع يا عمرو.. اللواء سامح الوزيري مدير الأمن في النادي..
المذيع: هو إيه إللي حصل؟
اللواء سامح الوزيري: دي بلطجة ما تحصلش أبدا.. الراجل قاعد في مكتبه ومافيش أي شيء وبيمضي العقد لحد ما حصل ده..
المذيع: هل صحيح لما جه الدكتور يدخل منعته؟!
اللواء سامح الوزيري: لا أنا قلت له إن فيه قرار من مجلس الإدارة بتجميد نشاطك وانت ممنوع وأنا عارفك.. وبعد إذنك..
المذيع: ومين كان معاه؟!
اللواء سامح الوزيري: ابن اخته والبلطجية ومعاه طبنجة
مرتضي منصور: عرفت إنه كذاب ومرتشي.. وحرامي وكذاب.. أنا كنت ها أموت النهاردة.. افتح لي الفاكس يا عمرو.. أنا بأبعت أهه.
إسماعيل سليم: هاهاهاها..:d
المذيع : الفاكس مفتوح والورق طلع أبيض مرة ثانية.
مرتضي منصور: واسمع كمان واحد صحفي أهه..
المذيع: مين معايا؟!